Oda sa Kape

Ginigising mo
di lamang ang diwa
kundi maging
ang nanlalamig kong kaluluwa.

creamed o hindi, ah! basta! gusto ko ng kape (larawan mula sa http://informationhealth.blogspot.com)

sa tuwing ihahalik ang labi
sa labi ng puting tasa’y
nararamdaman ang kakaibang init
para bagang pakikipagtalik

kaya sa pagharap sa maliwanag na iskrin
sa paglapat ng mga daliri sa tiklado ng PC:
agad na sumasargo ang katas ng utak
at mabilis na sasambulat:

Ilang saglit lamang ang lilipas –
sa pakikipag-ulayaw sa Musa ng Titik
agad na pipintog ang kanyang matris – magbubuntis
at ilang sandali’y isisilang – bunga ng panitik.

Antipolo City, Pebrero 18, 2010