Paano nga ba sasabihin ang paalam?

agriculture-arable-clouds-countryside

Ang larawan ay mula sa pexels.com. Pinanatili sa may-ari ang karapatang-ari (copyright) ng larawan.

Nang naglilinis ako ng aking kabinet ng mga aklat, nakita ko ang isang lumang tulang naisulat nang ako ay nasa kolehiyo pa. Kung hindi ako nagkakamali, naisulat ko ito mga 13 taon na ang nakararaan. Pagbigyan na ninyo. Harinawang huwag kayong maalibadbaran… Continue reading

Ka Roger

05ed

Rogelio Lunasco Ordoñez (September 24, 1940 – May 19, 2016) (Larawan kagandahang loob ng Pinoyweekly.org)

Mayo 19, 2016 nang malagutan ng hininga ang makabayang propesor, manunudling, makata, kuwentista, at peryodista na si Rogelio Lunasco Ordoñez. Ama kung ituring ko siya. Kagaya rin ng pagturing ko kina Ave Perez Jacob, na pumanaw noong ika-8 ng Hunyo, 2015, at Bayani S. Abadilla, na sumakabilang buhay naman noong ika-14 ng Mayo, 2008–na pawang mga kaibigan niya, sa unibersidad man, sa pasulatan man, o sa pakikibaka man sa pagpapalaya ng sambayanan mula sa pagtanikala ng tinaguriang tatlong salot–imperyalismo, burukrata kapitalismo, at piyudalismo–na, noon pa man, ay siyang sumisikil at kumikitil sa pag-asa ng bayan na maging malaya at magkaroon ng pagkakapantay-pantay. Continue reading

Guro

Ang guro ay wala sa mga paaralan
O kaya naman ay nasa laboratoryong
Sinlamig ng hatinggabing walang bituin.
Wala sila sa mga librong mali-mali ang teksto
Na ginastusan ng bilyun-bilyong piso.
Nasa siping sila ng kasaysayan –
Nasa dibdib ng kalyehon at mga kabudukan
Nasa sentido sila ng nakaraan,
at nasa antatao ng bubuksang kamalayan.
Nasa apoy sila ng mga danas,
Nasa dingas sila ng ilawang dati’y aandap-andap
Ngunit ngayon ay sumasabog na liwanag.
Wala sila sa huwad na pagdiriwang–
Nasa agos sila ng umaapoy na digmaan.

Sangandaan

CROSSROADS

Larawan mula sa squarespace.com

paano kung dumating ang panahon
na muli kayong magtagpo, magkasalubong
kagaya rin noong unang nagtama
ang inyong mga mata, at nanungaw bigla
ang puso sa bintana ng kaluluwa…

babalik pa kaya ang dating tibok
maririnig pa kaya ang dagundong
ng pusong kaytagal na nakulong
sa pananahimik sa isang sulok
dahil sa sakit, hapdi, at kirot…

kirot ng pagwawalay
hapdi na maramdamang
singlamig na ng hatinggabi
bawat haplos, halik, yakap
abo na pusong dating naglalagblab…

paano kung muling magkrus ang mga landas
ano ang alalahanin, ano ang unang gunitang
hahayaang padaluyin sa ilog ng isipan?
ang hapdi, ang kirot, ang sintak ng pagwawalay
o malakas, mabilis na tibo ng puso
na minsang naramdaman
nang magkasalubong sa sangandaan?

alin ang papayagang maghari sa dibdib,
ang umalingawngaw sa sulok ng isip–
ang poot at galit dahil sa naunsyaming pag-ibig
o ang labis na pagkasabik
na muling mayakap ng mga bisig
na minsan, sa isang yugto ng iyong buhay
ay siyang nagpainit sa nanlalamig na kalamnan?