Paano nga ba sasabihin ang paalam?

agriculture-arable-clouds-countryside

Ang larawan ay mula sa pexels.com. Pinanatili sa may-ari ang karapatang-ari (copyright) ng larawan.

Nang naglilinis ako ng aking kabinet ng mga aklat, nakita ko ang isang lumang tulang naisulat nang ako ay nasa kolehiyo pa. Kung hindi ako nagkakamali, naisulat ko ito mga 13 taon na ang nakararaan. Pagbigyan na ninyo. Harinawang huwag kayong maalibadbaran… Continue reading

Advertisements

10 Bagay na Naituro sa Akin ng Pagibig (Pasintabi kay Juan Miguel Severo)

Kung may mga bagay man akong natutuhan
sa pagibig, pagsinta, pagsuyo, pagmamahal–
Unang-una ay ang matutong maghintay.
Maghintay sa kaniyang tawag, sa kaniyang kaway.
At turuan ang sarili sa tamang pagtugon
Sakali mang dumating siya, mula sa dako pa roon. Continue reading

Sa tuwing giniginaw mga alaala

yapos ng gabi, itong kalul’wa
gabing walang tala, ni bituin
buwang maningning ay nahihiya
kaya inibig kumutin ang dilim.

kapag nagsimula nang mangiki
espiritu ko na nananamlay
magugunita ang iyong ngiti
habang ako’y nagpapahingalay

manunuot sa tainga ng isip
halakhak mong kaylakas, kaytinis.
magugunita, ganda mo’t rikit
damdam sa balat, hinga mo’t init.

gayunman, yapos ay pangarap lang
anino mo tanging kaulayaw
na dagling tatakas, malulusaw
iiwan, puso kong giniginaw.

Sining ng pagsasaing (2)

Piliin binlid at ipa
Bato, iba pang ‘basura’
Tahipin kung uubra pa
Para linis na linis na.

Takalin mo at kipilin
Nang huwag masayang mandin
Matapos mo na isalin
Paghuhugas, pag-igihin.

Kung de-kuryenteng lutuan
‘Di kailangang bantayan
Pero, dapat ding ingatan
Nang hindi matututungan.

Kung sa kaldero isalang
Dapat mo itong bantayan,
Baka masunog, mahilaw
Kaya apoy, atay-atay.

Tulad ito ng pagsinta
Dapat sapat, dapat tama
Labis-labis ay masama
Kung kulang ay ‘di rin tama.

Kung masusunog ng dusa
O masasanaw ng luha,
Masasayang, mawawala
Sa basurahan ang punta…