Posted in critical poem, political commentary, political poem

Balintuwad

Larawan ay buhat sa http://www.meredithtowbin.com/wp-content/uploads/2013/01/riddlemethis.jpg
Larawan ay buhat sa http://www.meredithtowbin.com/wp-content/uploads/2013/01/riddlemethis.jpg

Batubato sa langit
ang tamaan ay huwag magagalit…

– isang matandang kasabihang Tagàlog

Muling pinabangon ang mga bangungot,
ng nagdaang pilit na ngang nililimot,
Bugtong kang mahirap makita ang sagot,
Isa ka kayang banat, na sablay ang hugot?

Dating walang batik, bakit ngayo’y mamantsa?
Kumbaga sa damit, kapit na kapit na,
Hindi na maaalis, kahit na ikula,
Hindi matatanggal kahit ibabad pa!

Sabi mo noon, sa katuwiran kang lagi,
Pagtapos nakisama sa mga taong tabingi:
Una’y sa sugarol at mahilig sa babae,
Tapat sa kapital, taksil sa trabahante!

Ikalawang saliwa na iyong nagawa,
Ipagtanggol ang babaing dangal ay wala.
Kahit saan mo tingnan, iyan ay kakatwa,
Sabihing matuwid ang gawang hidwâ.

Kamakailan lamang nagulat ang tao,
Nang makipagdaop-palad ka sa mamatay-tao.
Aba’y ano na nga ba’ng nangyayari sa iyo?
Tinakasan ng bait at naging luku-luko?

Author:

Isa lamang ordinaryong miron at mapangarapin si Noel Sales Barcelona na nagnanais magsulat ng hinggil sa kaniyang nadarama.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s