Posted in counter-culture, critical essay, economic crisis, essay

Pasko at Bagong Taon

 

Larawan mula sa http://www.sharonlathan.net/

Mukha ni Santa Claus ang nagmamarka sa pagdiriwang ng Pasko — komersiyalismo. Namumuwalan ang mga kaha ng mall samantalang patuloy ang pag-impis ng mga pitaka ng mga konsiyumer na walang patumangga sa pamimili. Ang katuwiran: Pasko naman, minsan lamang sa isang taon daraan ang pagdiriwang kaya dapat na ‘ipagdiwang’ nang lubusan.

 

***

Binago ng mga may hawak ng kapital ang pagtingin ng sambayanang Kristiyano sa kapaskuhan o ang pagdiriwang ng kapanganakan ng Manunubos. Hindi maitatatwang ang pagpapalit ng imahe ng Kapaskuhan, mula sa Niño Jesus na nahihiga sa sabsaban at nababalutan ng simpleng lampin na baon ni Mariang kaniyang Ina (Lk. 2: 1 – 7), sa imahen ng mamang mataba, nakapula at namumudmod ng mga regalo ay isang pagtatakip ng kapital sa tunay na diwa ng Pasko. Madalas na ginagamit na pananggalang ng may hawak at tagapagtaguyod ng kapital ang pagdalaw ng tatlong haring Mago (sa tradisyon ay tinawag na sina Melchor, Gaspar at Baltazar) na matatagpuan sa Aklat ni Mateo, kap. 2, ber. 1 – 12, na naghandog sa batang Kristo ng mga regalo (insenso, kamanyang at ginto). Kung pupunahin, ayon mismo sa Bibliya, ang naturang paghahandog ay isang porma ng pagsamba o pagdakila (Mt. 2: 2).

***

Bago pa man ang bisperas ng Pasko, nagpaalaala na si Obispo Deogracias Iñiguez, Katolikong Obispo ng Lungsod ng Kalookan, na iwasan ang labis na konsiyumerismo sa pagdiriwang ng Pasko. Aniya, dapat na gawing simple lamang – at hindi magarbo – ang pagdiriwang natin ng Pasko.

***

Samantala, masasabing may “basbas” ng Simbahan ang komersiyalismo sa panahon ng Kapaskuhan dahil na rin sa rasyunalisasyong ang pagbibigay ng regalo ay kakabit ng tradisyon ni San Nicolas na pagbibigay ng regalo sa mga bata tuwing sasapit ang panahon ng Pasko. Kung may regalong dapat ipamigay, dapat ding mayroong perang pambili ng gayong mga regalo. Kaya nga, sinamantala ng may hawak ng kapital at tagasuporta ng maluluhong pagdiriwang ang ganitong kalakaran.

***

Maganda ang naging analisis ni Bernardo M. Villegas, hinggil sa Pasko. Sa kanyang artikulong nalathala sa pahayagang Manila Bulletin noong 2009, sinabi niyang:

There is, however, another important lesson from the Christmas story that can save capitalism and its allied culture, consumerism, from their excesses. As we pray in front of the manger in Bethlehem, worshiping the Child God and venerating His parents Mary and Joseph, one obvious truth that hits us in the face is that an accumulation of material goods is not the end all and be all of human happiness. Bereft of even the most essential physical comforts, the Holy Family–all three of them–exudes the greatest joy on the birth of the Redeemer. It is also joy that we see in the faces of the first visitors, the impoverished shepherds that came from the hillsides of Bethlehem. (Pagdiriin ay isinuplay ng awtor.)

Hindi man todo-todong binatikos ni Villegas, na aminado ring tagapagtanggol ng sistema kapitalismo, magandang lunsaran na rin ito ng diskurso sa kung paano nga ba dapat ipagdiwang ang itinuturing na “kaarawan” ng ating Panginoong Hesukristo. Dahil pagdaragdag pa ni Villegas sa nabanggit na artikulo,

The lesson of Christmas is detachment from the goods of this world, even if we have to use them in order to live in the middle of the world as ordinary citizens. The lesson of Christmas is not to put our happiness in the accumulation of earthly goods. The lesson of Christmas is to rejoice even if there are times when we do not have even what is needed for minimum comfort and decency.

***

Isang sulyap lamang sa ilang mga pangyayari sa ating lipunan bago magdiwang ang sambayanang Katoliko ng pagsilang ng Niño Jesus sa sabsaban sa Bethlehem:

***

Katulad ng marami nating kababayan, umaasa tayo na sana’y maging masagana, hindi lamang ang Pasko’t Bagong Taon, kundi maging ang darating mga araw. Ngayong panahon ng pagdiriwang ng kaarawan ng Panginoong Hesus (kahit hindi ito mismo ang birthday niya), sana’y mapagtanto natin na higit pa sa regalo at pera ang esensiya ng Pasko at Bagong Taon. Kundi ito ang pag-asam ng isang buhay na ganap at kasiya-siya (Jn. 10: 10). Paano magaganap ito? Sa Ikalawang Pagdating ba ng Panginoong Hesukristo? Hindi. Magaganap ito kung gaganapin natin ang ating dakilang tungkulin na maging liwanag ng mundo (Mt. 5: 14) at magaganap natin iyon sa pamamagitan ng pagiging bukas sa katotohanang inihahatag sa atin ng lipunan at pagsugpo sa lumaganap na kasamaan at kasakimang nagdudulot ng kahirapan sa sambayanan (Efe. 5:11; Luk. 10: 27, 28).

MALIGAYANG PASKO AT MANIGONG BAGONG TAON SA ATING LAHAT!!!

Author:

Isa lamang ordinaryong miron at mapangarapin si Noel Sales Barcelona na nagnanais magsulat ng hinggil sa kaniyang nadarama.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s