Posted in poem

at patuloy kaming maghahanap

para sa inyong nawawala…

sapagkat patuloy naming
sinasamyo ang amoy mo
sa bawat lansanga’t
eskinitang inaamala naming
iyong nilakara’t kinapadparan.

umaawit kami ng talindaw
at mga tagulaylay
tinatawag namin ang iyong pangalan
sa pagitan ng pagsigaw at pananambitan.
nasaan ka na nga ba?

inaapuhap ka namin
sa aming mga bangungot
at mga panaginip – sa gabi man
o katanghaliang-tapat
puso’y binibiyak ng mga isipin.

paano kung ang makita’y
bangkay na agnas
sa mababaw na libing?
o kalansay na nakapiit
sa balong malalim?

nasaan ka na nga ba?
sana’y nasa piling ka ng mga aba
at wala sa madidilim na karsel
o sa mababaw na tunel
o sa umaalingasaw na imburnal.

lalakad na muli kami,
mga kasamang nawawala
para ipagtanong kayo’t
hanapin kahit sa pusikit na kadiliman
ng walang bituing hatinggabi

ang pag-asa’t paglaban
sa aming puso’t isipan
ang magsisilbing tanglaw
pasasaan ba’t matatagpuan din
ang inyong kinaroroonan

o kung hindi man kayo matagpuan–
sila na ang hahanapin namin
silang may kagagawan
sa inyong hindi paglitaw!

Author:

Isa lamang ordinaryong miron at mapangarapin si Noel Sales Barcelona na nagnanais magsulat ng hinggil sa kaniyang nadarama.

One thought on “at patuloy kaming maghahanap

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s